Panik dhe tension në protestën e thirrur nga opozita, e cila mesa duket nuk do të përfundojë në paqe. Deri më tani një burrë dhe një grua kanë rëndë në tokë pa ndjenja dhe shkaku nuk dihet ende.
Gruaja momentalisht është pa ndjenja, ndërsa burri është shtrirë në tokë dhe po rënkon.
Nuk dihet ende nëse këto janë efekte anësore që ata mund t’i kenë pasur nga gazi lotsjellës, apo thjesht nga turma e ngjeshur.
Mësohet se gruaja është ndihmuar nga disa protestues të tjerë për të ardhur në vete dhe e kanë shtrirë në një nga kolltuqet e lokalit, ndërsa protestuesi tjetër është shtrirë në dyshemenë e një prej dyqaneve përballë parlamentit teksa rënkon dhe fërkon sytë.
Policia ka hedhur disa herë gaz lotsjellës gjatë protestës së sotme, ndoshta dhe më shumë se në protestën e 16 shkurtit, pasi protestuesit tentuan disa herë të çanin rrethimin e policëve.
