Dy persona kanë terrorizuar aeroportin e Barcelonës ditën e sotme.
Ndërsa bënin thirrje ekstremiste, ata përplasën një makinë me dyert e terminalit.
Ata u arrestuan menjëherë nga policia, e cila pas kontrolleve zbuloi se në makinë nuk kishte lëndë eksplozive.
“Daily Mail” shkruan se autorët ishin shqiptarë.
Hetuesit ndërkohë nuk kanë përcaktuar ende shkaqet e kësaj ngjarjeje.
Si pasojë e incidentit nuk pati asnjë të lënduar fatmirësisht, pasi aeroporti ishte i boshatisur, për shkak të masave të marra ndaj COVID-19.
Mediat spanjolle shkruajnë se autorët nuk ishin të armatosur dhe pasi përplasën makinën vrapuan drejt katit të parë.
Spanja po përballet me një situatë kritike për shkak të koronavirusit.
Deri më tani janë shënuar rreth 20 mijë të prekur nga të cilët numërohen mbi 1 mijë viktima.
