Miliarderi Bill Gates, njëkohësisht njëri prej personaliteteve të cilët kanë investuar në disa kompani hulumtuese për gjetjen e vaksinës efektive të covid-19, ka folur edhe në lidhje me përballimin e pandemisë në Amerikë.
Sipas mediave ndërkombëtare, Gates ka paralajmëruar që pesë muajt e ardhshëm do të jenë mjaft të zymtë për SHBA-në, nëqoftëse do të ketë shtrime në spitale jashtë kapaciteteve apo nëse vdekjet si pasojë e covid-19 të vazhdojnë të rriten.
”Kjo është një situatë paradoksale sepse gjërat po përkeqësohen. Katër deri në pesë muajt e ardhshëm duken mjaft të zymtë”, deklaroi miliarderi Gates.
Miliarderi amerikan ndër të tjera tha se gjëja më efektive për momentin që të gjithë njerëzit duhet ta bëjnë patjetër për të parandaluar sa më shumë fatalitete nga covid-19, është mbajtja e distancës dhe e maskave.
Po ashtu, duke folur edhe në lidhje me zhvillimet dhe kërkimet e fundit për vaksinën efektive ndaj koronavirusit, Gates tha se ka mundësi që të gjithë kandidatët të kenë sukses duke pasur parasysh normat e efikasitetit nga Moderna dhe Pfizer.
”Duket se pothuajse të gjitha vaksinat do të kenë sukses. Është shkencë e mrekullueshme, prodhim i shkëlqyeshëm industrial, bashkëpunim perfekt, edhe midis vendeve. Pra, e dini, kjo është një luftë, ne jemi të gjithë së bashku”, shtoi Gates.
Kujtojmë se që prej fillimit të pandemisë në SHBA, janë regjistruar 14,682,469 raste infektimi, si dhe kanë ndërruar jetë 284, 617 pacientë./GazetaReforma.com/
