Në shumicën e vendeve të botës gjatë ditëve të fundit janë vërejtur shifra më të ulëta nga covid-19.
Ministria e Shëndetësisë në Itali ka bërë publike se gjatë 24 orëve të fundit janë shënuar 8913 rste pozitive dhe 305 viktima, gati dy herë më pak.
Numri i përgjithshëm i infektimeve ka shkuar në 2.047.696 ndërsa ai i jetëve të humbura në 71.925. Numri i të shëruarve po i afrohet 1.4 milionëshit ndërsa janë më shumë se 2500 persona që ndodhen në gjendje kritike për jetën.
Po ashtu në Itali, javët e fundit kanë qenë tepër të vështira, pasi rastet e reja dhe vdekjet nga covid-19 kapën shifra të larta, duke vendosur në alarm të gjithë sistemin shëndetësor Italian.
Nga ana tjetër edhe Greqia ka paraqitur shifra të ulëta të koronavirusit gjatë ditës së sotme, në krahasim me shifrat e rritura gjatë javëve të fundit.
Me vetëm 342 raste pozitive dhe 53 viktima, situata nuk paraqitet shqetësuese. Deri më tani, janë gjithsej mbi 135 mijë të infektuar dhe 4606 viktima që prej fillimit të pandemisë.
Autoritetet greke, për shkak të situatës shqetësuese nga covid-19, shpallën disa ditë më parë, masa shtrënguese më të forta për disa zona të Athinës ku situata paraqitej më alarmante. Për disa javë në këto zona ndalimi i qarkullimit do të nisë nga 18:00 deri në 05:00. Gjithashtu, do të mbyllen të gjitha aktivitetet jo të domosdoshme ./Gazetareforma.com/
