Mesa duket rajoni ende nuk po e merr veten nga pandemia e covid-19. Gjatë ditëve të fundit janë shtuar rastet e reja të regjistruara si dhe vdekjet nga koronavirusi. Gjatë përditësimit të 24-orëve të fundit, në Greqi janë konfirmohen 510 raste të reja me covid-19 si dhe 47 vdekje në 24 orët e fundit.
Organizata Kombëtare e Shëndetit Publik, EDOY në Greqi konfirmoi sot 510 raste të reja të infeksionit të ri të koronavirusit (COVID-19), nga të cilat 16 u identifikuan pas kontrolleve në hyrjet e vendit.
Ndërkhë numri i përgjithshëm i rasteve aktive në shteti helen është 142777. Gjitashtu 391 pacientë trajtohen të intubuar.
Gjithashtu sot janë konfirmuar edhe 47 vdekje të reja nga COVID-19, duke arritur kështu në 5146 vdekje në total në vend.
Po ashtu Italia ka regjistruar mbi 18 mijë raste të reja me covid-19 në 24 orët e fundit si dhe 414 të vdekur.
Gjatë ditës së sotme Italia ka pësuar një ulje të rasteve të reja me covid-19 pasi ka pasur dhe rënie të tamponëve.
Në 24 orët e fundit në shtetin fqinj janë regjistruar 18 020 raste të reja në 121 275 tamponë të kryer.
Një ditë më parë ishin 20 331 raste të reja me koronavirus pas më shumë se 178 mijë testimesh të kryera.
Ndërsa të vdekurit nga covid-19 në 24 orët e fundit janë 414 persona, duke e çuar kështu në 77 291 numrin total të fataliteteve. Kujtojmë se ditën e djeshme ishin 548 të vdekur.
Edhe Kosova ka pësuar gjatë ditës së sotme një rritje të numrit të viktimave me covid-19, si dhe janë regjistruar 309 raste të reja.
Ndërkohë 6 persona kanë humbur jetën nga koronavirusi gjatë 24 orëve të fundit në Kosovë.
Instituti Kombëtar i Shëndetësisë Publike të Kosovës (IKSHPK), ka bërë me dije se nga 1.417 të testuar 309 kanë rezultuar pozitivë.
Rastet e vdekjes janë nga komunat: Istog 2 raste (80, 66 vjeç), Ferizaj 1 rast (88 vjeç), Kamenicë 1 rast (58 vjeç), Prishtinë 1 rast (84 vjeç), Prizren 1 rast (86 vjeç).
Deri më tani në Kosovë 1.363 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 52.943.
Postimi i plotë i IKSHPK:
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.417 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 309 raste pozitive.
Brenda 24 orëve janë raportuar 6 raste të vdekjes me SARS CoV-2 pozitiv. Rastet e vdekjes janë nga komunat: Istog 2 raste (80, 66 vjeç), Ferizaj 1 rast (88 vjeç), Kamenicë 1 rast (58 vjeç), Prishtinë 1 rast (84 vjeç), Prizren 1 rast (86 vjeç).
Numri total i rasteve pozitive është 52.943 raste nga 192.296 persona të dyshimtë në virusin SARS-CoV-2 dhe 1.363 raste të vdekjes.
Gjatë 24 orëve të fundit, janë shëruar 601 pacientë derisa numri i përgjithshëm i të shëruarve deri më sot është gjithsej 44.436 raste, kurse numri i rasteve aktive është 7.144.
Rastet pozitive janë nga komunat: Prishtinë 126 raste, Ferizaj 25 raste, Podujevë 19 raste, Vushtrri 19 raste, Mitrovicë 14 raste, Gjakovë 12 raste, Viti 11 raste, Malishevë 10 raste, Deçan 9 raste, Gjilan 7 raste, Pejë 7 raste, Prizren 7 raste, Fushë-Kosovë 5 raste, Istog 5 raste, Kaçanik 4 raste, Klinë 4 raste, Lipjan 4 raste, Suharekë 4 raste, Drenas 3 raste, Junik 3 raste, Obiliq 3 raste, Kamenicë 2 raste, Rahovec 2 raste, Shtime 2 raste dhe me nga një rast komunat Graçanicë dhe Skenderaj./Gazetareforma.com/
