Italia dhe Greqia vazhdojnë që të kenë shifra të larta të numrit të infektimeve dhe viktimave nga koronavirusi.
Italia ka raportuar 17,533 raste të reja pozitive për Covid-19 në 24 orët e fundit, nga 140,267 teste të kryera.
Ndërsa në 24 orë kanë humbur jetën 620 qytetarë në Itali. Gjithashtu nga ana tjetër, Greqia ka konfirmuar sot 721 raste të reja me koronavirus. Sipas njoftimit nga Ministria e Shëndetësisë, në 24 orë humbën betejën me koronavirusin 49 qytetarë.
Ditën e sotme janë zbuluar edhe 4 raste të koronavirusit të ri në Greqi, duke e çuar në 8 numrin e personave të prekur nga varianti i ri i Covid-19.
Numri i përgjithshëm i rasteve në Greqi deri më tani është 143494. Ndërkohë që 386 pacientë po trajtohen të intubuar 950 pacientë të tjerë janë larguar nga ICU që nga fillimi i pandemisë.
Gjithashtu janë bërë publike edhe 49 vdekje të reja nga covid-19, duke arritur në 5195 vdekje që prej fillimit të pandemisë në shtetin helen.
Kujtojmë se tashmë e gjithë Evropa është në alarm për shkak të mutacionit të ri të covid-19, i cili vjen prej Britanisë së Madhe dhe sipas ekspertëve është disa herë më transmetues se sa varianti fillestar ekzistues i koronavirusit.
Deri më tani pacientë me variantin e ri të covid-19 janë regjistruar edhe ën Greqi, Itali, Belgjikë dhe në disa vende të tjera të unionit evropian./Gazetareforma.com/
