Pandemia në Kosovë/ Ja rastet e reja dhe numri i viktimave në 24 orët e fundit
Kosova ka bërë publike shifrat e 24 orëve të fundit të infektimeve të lidhura me COVID-19. Mësohet se nga 2388 testime të kryera, kanë rezultuar pozitivë 290 persona. Numri i vdekjeve gjatë një dite është3, ndërsa janë 189 personat që kanë fituar betejën me virusin. Prej fillimit të pandemisë në Kosovë janë regjistruar gjithsej 62 548 raste me virus ndërsa në total 1526 persona kanë humbur jetën.
Njofimi i IKSHPK:
Institute Kombëtar i Shëndetit Publik në Kosovë bën thirrje për respektim të masave të vednosura dhe mbajtjen e maskës.
189 TË SHËRUAR DHE 290 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 2.388 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 290 raste pozitive.
Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Gjilan 1 rast (53 vjeç), Klinë 1 rast (80 vjeç) dhe Rahovec 1 rast (73 vjeç).
Numri total i rasteve pozitive është 62.548 raste nga 252.163 persona të dyshimtë në virusin SARS-CoV-2 dhe 1.526 raste të vdekjes.
Gjatë 24 orëve të fundit, janë shëruar 189 pacientë derisa numri i përgjithshëm i të shëruarve deri më sot është gjithsej 54.231 raste, kurse numri i rasteve aktive është 6.791.
Rastet pozitive janë nga komunat: Prishtinë 120 raste, Prizren 25 raste, Gjakovë 19 raste, Pejë 19 raste, Podujevë 18 raste, Lipjan 16 raste, Fushë-Kosovë 9 raste, Ferizaj 8 raste, Obiliq 8 raste, Rahovec 8 raste, Vushtrri 7 raste, Gjilan 6 raste, Mitrovicë 6 raste, Suharekë 4 raste, Kamenicë 3 raste, Deçan 2 raste, Dragash 2 raste, Istog 2 raste, Klinë 2 raste, Shtime 2 raste, Viti 2 raste dhe me nga një rast komunat Kaçanik dhe Skenderaj.
Mbuloni gojën dhe hundën me maskë!
Mbani higjienën!
Respektoni distancën!
