Situata për shkak të pandemisë në Kosovë, ka një zbehje të lehtë të viktimave dhe rasteve të reja nga covid-19, duke shkuar kështu drejt normalizimit.
Bazuar në përditësimin e sotëm nga Instituti Kombëtar i Shëndetit në Kosovë, bëhet me dije se gjashtë persona kanë humbur jetën nga koronavirusi gjatë 24 orëve të fundit në Kosovë.
Po ashtu mësohet se nga 990 persona të testuar si të dyshuar me Covid-19, 264 prej tyre kanë rezultuar pozitivë.
Ndërkohë numri më i lartë i të prekurve paraqitet në Prishtinë me 93 raste, Ferizaj 25 raste, Mitrovicë 16 raste, Fushë-Kosovë 14 raste, Podujevë 14 raste etj.
Deri më tani në Kosovë 1.262 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 49.169./Gazetareforma.com/
