Kryeministri i Kosovës, Avdullah Hoti, në një konferencë për shtyp të zhvilluar pak më parë, ka prezantuar masat e reja kufizuese në vend, për shkak të rritjes së rasteve me koronavirus.
Gjatë konferencës, kryeministri ka theksuar se masat janë ndarë në tre grupe, bazuar tek zonat e kuqe, portokalli dhe të gjelbra.
Pra në vatrat më të rrezikshme, ku janë disa qytete të mëdha, do të ketë masa më të rrepta.
Hoti ka deklaruar se nuk mund të mbyllet plotësisht i gjithë vendin sepse do të ishte fatale për ekonominë.
Kryeministri ka paralajmëruar se nëse masat do të respektohen në mënyrë rigoroze nga qytetarët, atëherë brenda një jave do të vërehen përmirësime.
Gjithashtu Hoti ka deklaruar se këto masa do të miratohen nga qeveria dhe do të hyjnë në fuqi ditën e premte.
“Kemi përgatitur draft vendimin, që do të shkojë në Qeveri për votim. Kemi ndërmarrë masa që vlejnë në tërë territorin e Kosovës, duhet të kemi kontrolle në kufi, hyrje dhe dalje. Kemi vendos që Arsimi i lartë të kalojë plotësisht online, ndërsa parauniveristar vlen manuali që e kemi bërë më herët.
Kemi vendosur që të kthehen ekipet kufitare që të bënë matjen e temperaturës në kufi. Të kthehen shtabet emergjente në komuna. Kemi rregulluar funksionimin për sektorin e ekonomisë në gjithë Kosovën. Lejohet sektori i bujqësisë, transporti, prodhimi. Këto janë masa për tërë territorin.
Grupi i dytë i masave, është sipas kategorizimit të komunave sipas numrit të personave të infektuar.
Komunat me rrezik të ulët, kemi lejuar operatorët ekonomikë të punojnë nga ora 05:00 deri në 20:00, kemi rregulluar transportin publik. Kemi rregulluar edhe veprimtarinë e qendrave tregtare deri në ora 20:00, pastaj opsionin ‘merr me vete’.
Grupi i dytë me rrezik të mesëm: punojnë nga ora 05:00 deri në 18:00, gastronomia po ashtu deri në orën 18:00. Është rregulluar po ashtu transporti. Qendrat tregtare punojnë deri në ora 18:00.
Grupi i tretë, në zonë të kuqe janë shtatë komuna, Prishtina, Podujeva, Gjakova, Gjilani, Ferizaj, Fushë Kosova, Obiliqi dhe Shtimja. I kemi marrë dy veprime, e lejojmë aktivitetin ekonomik të zhvillohet deri në orën 19:00 me specifikat e manualit për mbrojtje nga koronavirusi.
Nga ora 19:00 mbyllet çdo aktivitet ekonomik vendoset kufizim i plotë i qytetarëve, orë policore nga ora 19:00 në këto komuna. Ndalohen hyrje-daljet në këto komuna nga ora 19:00”, ka deklaruar Hoti./GazetaReforma.com/
