OBSH ka hedhur hipotezën e parë për origjinën e coronavirusit. Sipas studimit mendohet se Covid u transmetua nga një kafshë tek njeriu.
Sa i përket teorisë së parë se virusi kishte dal nga një laburator kinez, ekpertët e OBSH e hodhën poshtë si ide.
Kujtojmë se sëfundmi një grup ekspertësh të OBSH nga e gjithë bota shkuan në Kinë me qëllim zbulimin e origjinës së virusit, pas hipotezave të hedhura nga ish-Presidenti amerikan Donald Trump dhe zyrtarë të tjerë nga administrate e tij.
Embarek, një ekspert i OBSH-së për sigurinë ushqimore dhe sëmundjet e kafshëve, tha se ekspertët tani e konsiderojnë mundësinë e një prejardhjeje të tillë aq të pamundur sa nuk do të sugjerohet si një version për studim në të ardhmen.
Por një tjetër anëtar i ekipit, shkencëtari danez Thea Koelsen Fischer, u tha gazetarëve se anëtarët e ekipit nuk mund ta përjashtojnë mundësinë e hetimeve të mëtejshme dhe drejtimeve të reja.
Kina tashmë e kishte refuzuar fuqimisht mundësinë e një rrjedhjeje të virusit nga laboratori dhe ka promovuar teori të tjera.
Ekspertët kinezë dhe të huaj konsideruan disa ide se si sëmundja përfundoi për herë të parë tek njerëzit, duke çuar në një pandemi që tani ka vrarë më shumë se 2.3 milionë njerëz në të gjithë botën.
Embarek tha se gjetjet fillestare sugjerojnë se rruga më e mundshme e virusit ishte kalimi nga një lakuriq nate në një kafshë tjetër dhe pastaj tek njeriu, duke shtuar se për këtë duhen bërë studime të mëtejshme.
“Gjetjet sugjerojnë se hipoteza e incidenteve laboratorike nuk ka shumë të ngjarë të shpjegojë paraqitjen e virusit tek njerëzi”, tha ai.
I pyetur pse, zoti Embarek tha se rrjedhjet aksidentale janë jashtëzakonisht të rralla dhe se analiza nga ekipi i operacioneve laboratorike të Institutit të Virologjisë në Ëuhan tregoi se do të ishte e vështirë që një gjë e tillë të ndodhte.
Ai gjithashtu vuri në dukje se nuk kishte njoftime mbi praninë e një virusi të këtij lloji në ndonjë laborator para pandemisë. Liang Ëannian, udhëheqës i ekipit kinez, e theksoi gjithashtu këtë, duke thënë se nuk kishte asnjë mostër të këtij virusi në Institutin e Virologjisë në Wuhan.
