Pas një rishikimi sipas rekomandimit për heqjen graduale të kufizimeve të përkohshme në udhëtimet jo thelbësore në BE, Këshilli përditësoi listën e vendeve, rajoneve të veçanta administrative dhe entiteteve të tjera dhe autoriteteve territoriale, për të cilat kufizimet e udhëtimit duhet të hiqen. Në veçanti, Izraeli, Kosova,Libani, Mali i Zi, Republika e Maqedonisë së Veriut dhe Shtetet e Bashkuara të Amerikës janë hequr nga lista.
Udhëtimet jo thelbësore në Bashkimi Evropian nga vendet ose entitetet do i nënshtrohen një kufizimi të përkohshëm të udhëtimit. Kjo nuk paragjykon mundësinë që shtetet anëtare të heqin kufizimin e përkohshëm të udhëtimeve jo thelbësore në BE për udhëtarët plotësisht të vaksinuar. Siç përcaktohet në rekomandimin e Këshillit, kjo listë do të vazhdojë të rishikohet rregullisht dhe, sipas rastit, të përditësohet.
Bazuar në kriteret dhe kushtet e përcaktuara në rekomandim, që nga 30 gusht 2021, shtetet anëtare duhet të heqin gradualisht kufizimet e udhëtimit në kufijtë e jashtëm për banorët e vendeve të treta. Ndërkohë BE ka rekomanduar në 30 gusht që shtetet anëtare të heqin kufizimet e udhëtimit për banorët e vendeve të treta si Shqipëria.
BE i ka hequr kufizimet zyrtarisht që në qershor për Shqipërinë, por vendet anëtare bazuar tek politikat e tyre kanë vepruar ndryshëm.
