Revista Forbes ka prezantuar 50 miliarderë të rinj në industrinë e kujdesit shëndetësor për vitin 2020.
Të listuarit më të shquar këtë vit janë shkencëtarët që qëndrojnë pas dy vaksinave më të suksesshme për koronavirusin, njëra e zhvilluar nga Pfizer dhe kompania gjermane e bioteknologjisë BioNTech dhe tjetra nga Moderna, e cila është i vendosur në Massachusetts. Këto kompani kanë parë që vlera e tyre neto të rriten maksimalisht gjatë periudhës së pandemisë.
Pas dy vaksinave më të sukseshme anti-covid, qëndrojnë Ugur Sahin (BioNTech) dhe Stefan Bancel (Moderna).
Ndërkohë që dy shkencëtarët ishin pothuajse të panjohur në fillim të vitit, fundi i këtij viti të vështirë për njerëzimin gjen llogaritë e tyre bankare me miliarda dollarë.
CEO i BioNTech, Sahin, i cili themeloi kompaninë me gruan e tij Ozlem Tureci, nuk zotëron asnjë aksion në kompani. Sot, megjithatë, pasuria e tij është 4.2 miliardë dollarë. Homologu i tij francez në Moderna, Stephane Bancell, ka një pasuri prej 4.1 miliardë dollarësh.
Rritja e pakonceptueshme e Moderna bëri gjithashtu miliarderë edhe dy persona të tjerë, midis investitorëve të saj të parë, profesorit të Harvardit Timothy Spinger dhe shkencëtarit Robert Langer.
Vaksinat tashmë të disponueshme për popullatën kërkojnë miliarda shishe qelqi për t’i transportuar ato në mënyrë të sigurt.
Këtë na e ofron miliarderi tjetër i “kompanisë”, italiani Sergio Stevanatos. Ai është një miliarder i ri dhe aksioner kryesor në Stevanato Group, i cili prodhon shishe qelqi për disa dhjetëra vaksina në të gjithë botën.
Megjithatë, nuk janë vetëm vaksinat: kompanitë që zhvillojnë terapi me antitrupa dhe ilaçe për të ndihmuar mjekët të luftojnë virusin gjithashtu kanë përfituar nga furia e tregut.
Karl Hansen, CEO i kompanisë kanadeze të pajisjeve të bioteknologjisë AbCellera, tani vlen 2.9 miliardë dollarë pasi kompania e tij u krijua në 11 dhjetor.
Po ashtu rritja e kompanisë erdhi pasi Administrata e Ushqimit dhe Barnave miratoi muajin e kaluar për terapinë e anti-trupave të zhvilluar së bashku me gjigantin farmaceutik Eli Lilly./Gazetareforma.com/
