Pika kufitare e Kapshticës vijon të jetë e bllokuar. Në një njoftim nga pala greke mëngjesin e sotëm, kjo pikë do të jetë e bllokuar deri në 22 shkurt për shkak të situatës së krijuar nga pandemia e coronavirusit.
“Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 22.02.2021.”, shkruhej nga pala greke.
Në një njoftimn zyrtar , autoritetet greke thanë se kalimi do të lejohet vetëm për këmbësorët dhe mjetet e rënda të tonazhit.
“Dalja nga Greqia dhe hyrja drejt vendit tonë, do të jetë e lejuar vetëm nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash). Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë.”, thuhej më tej në njoftim.
Kujtojmë se kohët e fundit Greqia po përballet me një valë të fuqishme infektimesh, duke i rritur rastet e vdekjeve në shifra rekord.
Para disa ditësh, autoritetet greke lajmëruan për masa të reja kufizuese më të rrepta, deri në shtetrrethim të vendit.
