Vazhdon të jetë kritike situata e zjarreve në vendin tonë me disa vatra aktive që paraqesin rrezik. Flakët kanë përparuar me shpejtësi gjatë ditës së sotme mbi tunelin e Kalimashit, favorizuar edhe nga era e fortë.
Siç duket edhe në pamje, flakët janë kudo dhe tashmë rrezikojnë edhe banesat në fshatin Shëmri.
Ndërhyrja në zonë është e vështirë për shkak të terrenit të thepisur, ndaj zjarri kërkon ndërhyrje nga ajri.
Në ndihmë të Forcave të Armatosura të Shqipërisë kanë ardhur edhe Forcat e Sigurisë së Kosovës, në mënyrë që të bëhet shuarja e flakëve sa më shpejt. Kujtojmë që Presidentja Vjosa Osmani dha autorizimin që trupat dhe pajisjet e FSK të vendosen në dispozicion të auoriteteve shqiptare në përballje me zjarret.
Ministria e Mbrojtjës njoftoi më herët se situate në Tunelin e Kalimashit paraqitej kritike dhe se flakëy janë ndihmuar edhe nga era dhe terreni që të përparojnë.
Po ashtu MM njoftoi se situate ishte problematike edhe në fshatin Thirrë të Mirditës ku zjarri rrezikonte të afrohej në lagjen Gështenjë e në lagjen Karaq.
Vendi ynë është përfshirë nga zjarret prej më shumë se dy javësh, ndërsa Bashkimi Europian ka dërguar tre helikopterë për të ndihmuar në shuarjen e flakëve. Kritike ka qenë situate edhe Karaburun, ku flakët rrezikonin të përhapeshin në drejtim të Parkut të Llogarasë.
