Politikanët edhe pse në Parlament ose dalje publike zihen dhe debatojnë me njëri – tjetrin, nga ana tjetër kanë edhe anën njerëzore dhe pikërisht këtë anë ka treguar Edi Paloka mbrëmjen e sotme për Edi Ramën.
I ftuar në “Zonë e Lirë” Paloka ka treguar se si ka qenë përballja e parë që ka pasur me Edi Ramën, ku në atë kohë asnjëri prej tyre nuk ka qenë politikan.
Mirëpo nga çfarë ka treguar që në momentin e parë, Paloka dhe Rama nuk kanë pasur simpati për njëri- tjetrin.
“Ka qenë dhe Blendi Fevziu, unë kam qenë gazetar në atë kohë. Ne ishim në konferencë, dola me Fevziun, kishte marrë një makinë nga ato karakatinat që vinin atëherë, dhe po futeshim në makinë. Ky ishte me një biçikletë 28-ëshe. Ditën që është shpallur Poli i Qendrës, 93 mos gabohem. Ky i tha Fevziut një fjalë fyese për mua. Fevziu që më njihte, më shtyu që të mos reagoja. Ky e ngriti zërin më tepër. Herën e dytë reagova, siç më kap ndonjëherë në mënyrë impulsive. Kur unë u ktheva Fevziu mu lidh në mes dhe i thotë atij: Ik Edo Ik!!! Ai morri biçikletën, 2 metra burrë në dorë dhe iku si avdall”, tha Edi Paloka.
Po ashtu ai ka treguar se çfarë i tha kryeministri Edi Rama gjatë seancën plenare, kur i hodhi bojën:
“Më tha do ta shikosh çfarë do të bëjë…. Reagimi erdhi pas këtyre thth-ve”, deklaroi Edi Paloka.
