Gjyqtarja e Apelit të Tiranës, Fatmira Hajdari është përballur ditën e sotme me Komisionin e Pavarur të Kualifikimit.
Hajdari rrezikon shkarkimin për shkak të disa parregullsive të saj në deklaratën e pasurisë.
Ndërkohë në seancën dëgjomore është publikuar dhe një raport nga Drejtoria e Sigurimit te Informacionit te Klasifikuar (DSIK), që ka konstatuar deklarim të pasaktë të pasurisë pasi nuk ka burime të mjaftueshme financiare për të justifikuar asetet pasurore.
Sipas raporit problematika qëndron tek një pallat 10-katësh që ka probleme që në ngritjen e tij me probleme me pronarët, disa kredi në emër të të birit, 13 apartamente dhe 1 vilë që nuk ka burime financiare të ligjshme për të mundur ta justifikuar.
Gjyqtarja Fatmira Hajdaripo ashtu ka fshehur faktin edhe për revokimin e vizës amerikane.
Të gjitha këto mund të sjellin shkarkimin e saj.
Në lidhje me revokimin e vizës amerikane, Hajdari është shprehur se nuk i është ndaluar hyrja në ndonjë vend të BE-së apo NATO-s.
“Më është kërkuar pasaporta dhe më është komunikuar se jam në proces vettingu ndaj më revokohet viza”, ka thënë gjyqtarja Fatmira Hajdari.
