Ka shkuar në 18 numri i personave që kanë humbur jetën si pasojë e katastrofave dhe aksidenteve të shkaktuara nga shirat intensivë në rajone të ndryshme të Pakistanit.
Sipas lajmeve në shtypin kombëtar, shirat intensivë në rajone të ndryshme të vendit kanë ndikuar negativisht në jetën e qytetarëve.
Autoritetet thanë se tre shtëpi janë shembur plotësisht për shkak të shirave intensivë në zonën Torghar në rajonin Khyber Pakhtunkhëa dhe se 11 persona kanë humbur jetën pasi kishin mbetur nën rrënoja.
Punimet e kërkim-shpëtimit janë në vazhdim ndërsa ka shqetësime se numri i viktimave mund të rritet.
Shirat e dendur kanë përmbytur shumë shtëpi dhe kanë dëmtuar tokat bujqësore.
Në katastrofat dhe aksidentet e shkaktuara në 2 ditët e fundit nga shirat intensivë në Punjab humbën jetën 7 persona, përfshirë 4 fëmijë.
Autoritetet dhe forcat e emergjencës janë vënë në dispozicion të gjithë duke iu ardhur në ndihmë nanoprëve të prekur nga kjo katastrofë si pasojë e shirave të dendur, por edhe duke ndihmuar në evakuuimin e sa më shumë banorëve pasi shumica prej shtëpive janë të përmbytura nga uji.
Shirat mosun të cilat janë efektivë në periudhën qershor-shtator në Azinë Jugore, çdo vit shkaktojnë katastrofa të tilla natyrore dhe aksidente me përmasa të gjera.//AA
