Komisioneri për lirinë e Medias në OSBE, Harlem Desir, ka qenë i ftuar në një intervistë për Exit.al, ku sqaroi edhe qendrimin e tij për ligjin e “Anti-shpifjes”.
Desir deklaroi se nuk e ka mbështetur asnjëherë 100% këtë ligj.
Komisioneri u shpreh se ligji ka probleme dhe se zyra që ai drejton do ta kontrollojë atë.
Më tej ai shtoi se ka ende vend për përmirësime dhe punë.
‘Në asnjë moment nuk i kam dhënë 100% mbështetje ligjit. Zyra ime do monitorojë nga afër zbatimin e tij dhe do punojë me qeverinë për të përmirësuar më tej dispozitat brenda tij’, ka thënë Desir për Exit.
Nga ana tjetër, kreu i qeverisë, Edi Rama, u shpreh në sallën e parlamentit se ligji kishte ‘jo 99%, por 100% mbështetjen e OSBE-së’.
