Kryetari i Opozitës Jashtëparlamentare Lulzim Basha ka mbledhur në selinë e Partisë Demokratike aleatët për të diskutuar për ndryshimet kushtetuese që do të diskutohen në Këshillin Politik.
Kujtojmë që ditën e sotme në orën 17:00 pritet të fillojë edhe mbledhja e Këshillit Politik e kërkuar nga vetë Opozita jashtëparlamentare, për të diskutuar mbi ndryshimet kushtetuese që do të votohen në parlament me 30 korrik.
Ditën e sotme kreu demokrat Basha takoi presidentin Meta dhe ky i fundit i kërkoi që të vijojë diskutimet ne KP por pa rënë pre e provokimeve. Ndërkohë azhoranca socialiste kërkon të miratojë më 30 korrik ndryshimet kushtetuese për hapjen e listave dhe heqjen e koalicioneve parazgjedhore, por kjo po kundërshtohet nga opozita e bashkuar dhe nga presidenti.
