Mbrëmjen e sotme pak orë para takimi Rusi-Ukrainë Presidenti i Bjellorusisë Alexander Lukashenko lëshoi një kërcënim rrëqethës se sanksionet e Perëndimit ndaj Rusisë po e shtyjnë Kremlinin në një Luftë të Tretë Botërore, pasi Vladimir Putin vendosi forcat e bërthamore në “gadishmëri”.
Komentet e Lukashenkos erdhën pasi Kievi dhe Moska ranë dakord të zhvillonin bisedime paqeje në kufirin me Bjellorusinë – megjithëse Volodymyr Zelensky pranoi se nuk ishte i sigurt për një zgjidhje pozitive, duke shtuar se ai i detyrohej popullit të tij që të paktën të përpiqej dhe të angazhohej.
Këtë mbrëmje, BE-ja zbuloi gjithashtu një paketë të re sanksionesh kundër regjimit të Putinit, duke mbyllur hapësirën e saj ajrore për të gjithë avionët rusë dhe duke ndaluar mediat propagandistike të Kremlinit, Russia Today dhe Sputnik. Në përgjigje të masave, transportuesi rus Aeroflot tha se po pezullonte të gjitha fluturimet drejt Evropës.
“Tani po flitet shumë kundër sektorit bankar, gazit, naftës, SWIFT,” tha Lukashenko. ‘Është më keq se lufta. Kjo po e shtyn Rusinë në një Luftë të Tretë Botërore. Këtu duhet të jemi të përmbajtur që të mos futemi në telashe. Sepse lufta bërthamore është fundi i gjithçkaje.’
Kujtojmë se Presidenti ukrainas Volodymyr Zelensky në një deklaratë të shkurtër ka thënë se se nuk pret shumë nga takimi midis delegacioneve ukrainase dhe ruse që dp të zhvillohet ditën e nesërme në lidhje me situatën e luftës.
“Do të them sinqerisht, si gjithmonë: nuk besoj shumë në rezultatin e këtij takimi, por le të provojnë. Në mënyrë që asnjë qytetar i Ukrainës të mos ketë dyshim se unë, si president, nuk u përpoqa ta ndaloja luftën kur ekzistonte qoftë edhe një shans i vogël”, tha Zelensky.
