Në mënyrë të papritur sekretarja e Gjykatës së Lezhës Klaudia Marku është larguar nga banesa. Fillimisht lajmi është njoftuar nga bashkëjetuesi i saj, i cili gjithashtu denoncoi humbjen e nënëns së dy fëmijëve.
34-vjeçarja është larguar përgjatë mbrëmjes së djeshme, raporton Ballkan Ëeb.
Bashkëshorti i punonjëses së Gjykatës së Lezhës ka qenë ai që nuk ka mundur të ketë kontakt me të dhe si pasojë ka denoncuar zhdukjen e 34-vjeçares në polici.
Policia ka nisur hetimet, teksa thuhet se 34-vjeccarja ka pasur kontakte me familjen e saj, me prindërit apo vëllain, por deri tani nuk është konfirmuar asgjë.
Theksojmë se Klaudia Marku ka dhe një pozicion tjetër të rëndësishëm në sistemin e drejtësisë, pasi vetëm pak ditë më parë fitoi konkursin për oficere të policisë gjyqësore. Policia po vijon kontrollet dhe hetimet në vendet ku dyshohet se mund të jetë. Familjarët thonë që nuk ka pasur asnjë problematikë dhe se janë tronditur nga humbja e papritur e saj. Dyshohet po ashtu që zhdukja të jetë kryer edhe për shkak të detyrës së saj, por nuk përjashtohet asnjë mundësi tjetër.
Policia po heton të gjitha pistat.
Vlen të përmendim se aktualisht në Gjykatën e Lezhës është ngirtur si problematikë mungesa e gjyqtarëve. Me zhdukjen e sekretares, problemi i mungesës së stafit bëhet akoma më i theksuar. Gjykata e Lezhës po shkon drejt kolapsit, për shkak të mungesës së gjyqtarëve.
