Kryeministri Edi Rama nëpërmjet një lidhjeje “live” me ministren e Ekonomisë dhe Financave Anila Denaj, ka njoftuar se tashmë është alokuar fondi nga buxheti i shtetit për rimbursimin e penaliteteve që qytetarët shqiptarë kanë marrë jashtë shtetit prej thyerjes së afateve të qëndrimit.
Ky rregull për rimbursime është i vlefshëm për të gjithë qytetarët që e kanë thyer këtë afat për periudhën 10 mars- 1 qershor.
Por nga dita e sotme, Denaj ka njoftuar se janë hapur aplikimet edhe për ata që kanë penalitete dhe i kanë paguar.
Këta të fundit duhet që të dorëzojnë në Postë dokumentacionin e vërtetimit të marrjes së penalitetit dhe të pagimit të saj si dhe numrin e llogarisë bankare.
Denaj thotë se brenda qershorit rimbursohen të gjithë aplikuesit teksa në rastet kur nuk do të merret ky rimbursim, qytetarët duhet të ankohen tek Tatimet.
“Është alokuar një fond nga buxheti i shtetit për rimbursimin e penaliteteve që qytetarët shqiptarë kanë marrë si thyerje e afateve të qëndrimit jashtë vendit për periudhën 10 mars- 1 qershor.
Çdo qytetar shqiptar është i lutur të aplikojë nëpërmjet Postës Shqiptare të aplikojë nëpërmjet dokumentacionit, që vërteton marrjen dhe pagimin e penalitetit si dhe të llogarisë bankare ku do të kryhet rimbursimi.
Rimbursimi do të bëhet i plotë, me lekë.
Jeni të lutur që prej sot ë aplikoni dhe brenda muajit qershor fondi disbursohet. Në rast se nuk e keni marrë na shkruani tek ankesat tek tatimet.gov.al”- tha Denaj.
https://www.facebook.com/edirama.al/videos/264853427923833/
