Avokati Alban Bengasi është paraqitur këtë të premte në Drejtorinë e Policisë së Tiranës, një ditë pas vendimit të Gjykatës së Apelit të Posaçëm që e riktheu në burg. Pas përfundimit të procedurave administrative, Bengasi do të transferohet në një burg të sigurisë së lartë.
Në fund të korrikut, ai kishte përfituar lirinë pas një uljeje të dënimit në shkallën e parë, ku dënimi i tij u ul në 1 vit e 4 muaj burg, falë aplikimit të gjykimit të shkurtuar dhe afateve të procedurës. Megjithatë, pas apelimit të bërë nga SPAK, çështja u riarrit dhe gjykata vendosi të rrisë dënimin e tij, duke e dënuar përfundimisht me 4.6 vjet burg.
Bengasi është shpallur fajtor për dhunë në familje dhe për pjesëmarrje në një grup të strukturuar kriminal. Një nga episodet kryesore që rëndoi akuza ndaj tij ishte dëshmia e Nuredin Dumanit, i penduar i drejtësisë, i cili zbuloi se Bengasi kishte ofruar 120 mijë euro për vrasjen e gruas së tij.
