Ditën e djeshme pedagogët zhvilluan një protestë para Univeristetit të Politeknikut ku kërkuan kryesisht paga më të larta dhe kushte më të mira pune. Ndërkohë që revolta e pedagogëve nuk ka mbetur pa u sjellur në vëmendje nga deputetja e PD-së, Grida Duma. Duma duke ushtruar edhe vetë profesionin e pedagoges pranë ‘Shkencave Politike’ sigurisht nuk kishte si mos të reagonte mbi sfidat që ndesh stafi akademik. Sipas saj Shqipëria ka zero pagesa për të mbështetur pedagogët në zhvillimin e punës së tyre shkencore.
Duma shprehet se minimumi pagat e pedagogëve duhet të jenë në nivelin e shtetit tonë fqinj, Kosovës .
“Po diskutoni për pagat e pedagogëve e fundit është Shqipëria. Kërkohet vetëm sa niveli i Kosovës. Por përsëri nuk është pedagog, së është nëpunës që do të mbijetojë. Pedagog është të ketë fond dhe të botoj në revista me faktor impakti. Të bësh këtë të paguan Universiteti. Shqipëria ka zero pagesa. Duhet të paguash 400 euro për të botuar. Për të marr pjesë në 5 konferenca, shkon më shumë se dy muaj pagë. Ka pedagogë që kanë ardhur nga Franca dhe u është dashur 6 vite këtu që të kërkoj njohjen e PHD e Paris 8. Shqipëria kjo,” deklaroi ndër të tjera deputetja demokrate Grida Duma.
