Presidenti Ilir Meta lajmëroi se ditën e hënë, do të padisë kreun e KED, Ardian Dvoranin.
Sipas Kreut të Shtetit, Dvorani ka vepruar në mënyrë mafioze, për listat e vakancave të Kuvendit dhe Presidentit.
Në arsyetimin e Metës, rezulton se KED, renditjen e kandidatëve e ka bërë brenda të njëjtës datë.
Më tej presidenti akuzon Dvoranin, për renditjen e kandidatëve, duke thënë se nuk është bërë me vendim kolegjial, por individual.
Kreu i Shtetit shton, se KED nuk ka respektuar kronologjinë.
“Siç jeni bërë me dije, nga debati publik dhe deklaratat publike, është konstatuar se në KED janë kryer disa shkelje të rënda nga Ardian Dvorani, që i kapërcejnë shkeljet ligjore. Veprimet dhe mosveprimet e Dvoranit, sjellin pasoja të pariparueshme në sistemin e drejtësisë. Presidenti i Republikës pasi ka konstatuara këto veprime, vlerëson se ato përbëjnë shkelje disiplinore. Kallëzimi me qëllim fillimin e hetimeve ndaj Dvoranit, dhe përvetësimi i titullit dhe detyrës shtetërore, vlerësohet se ai ka marrë përsipër të realizojë një akt mafioz. Vakanca e dytë e plotë; presidenti i Republikës me dekretin 111.33 vendosi që të shpallë vendin vakant, për shkak të përfundimit të zonjës Altina Xhoxha dhe iu përcoll KED sipas afateve ligjore. Edhe Kuvendi ka përcjell dy vakancat që i takonin atij. KED, i zgjedhur me short ka përmbyllur vlerësimin për 4 vakancat e mësipërme, dy të presidentit dhe dy të Kuvendit. Më pas publikoi listën. Rezultoi se KED renditjen e kandidatëve e ka bërë në mënyrë të njëkohshme, brenda të njëjtës datë (vakancat e Kuvendit dhe të Presidentit). Madje dhe numërtimi i fletës është i alternuar sipas radhës së shpalljes. KED i cili është organ kolegjial, jo personal, pra askush s’merr dot vendime personale dhe që funksionon në bazë të ligjit 115, në 15 shtator s’ka marrë asnjë vendim. Kryetari i KED i ka përcjellë vet listat në adresë të presidentit, për plotësimin e vakancave të presidentit dhe Kuvendit. Nuk rezultoi që KED në mënyrë kolegjiale të ketë marrë ndonjë vendim për dërgimin e listave pranë organeve të emërtesës, por është kryer vetëm në mënyrë individuale. Është bërë në mënyrë të qëllimshme nga kryetari i KED. Të katër vakancat Këshilli i ka emëruar në një ditë. Në vend që të respektojë kronologjinë. Presidentit ia dërgon më para, ndërsa Kuvendit vetëm ditën kur Presidenti e pyet: Zotëri po Kuvendit ia ke dërguar. Po thotë ia dërgova sot. Nuk paraqitet asnjë e dhënë pse janë dërguar dy lista njëherë tek Presidenti, dhe përse i janë vonuar një javë Kuvendit. Përsë ky kryetar që e di shumë mirë si është radhë në Kushtetutë ia çon presidentit para dhe zgjedh t’ja çoj Kuvendit më pas? Në rastin më të keq, çdo budalla mund të thotë pse nuk ua dërgoi në të njëjtën ditë të dy palëve? Dhe dy palët kishin afat 30 ditë që të merreshin vesh. Këto veprime administrative tërësisht individuale nuk respektojnë afatin. Pse listat u dërguan në një kohë tek Presidenti”, u shpreh Meta.
