Me humorin e tij ka arritur të krijojë një audiencë mjaft të madhe, e kemi fjalën për aktorin Gentjan Zenelaj, i cili duket se këtë herë nuk ka zgjedhur të bërë humor me marrëveshjen Rama- Meloni.
Në një status publik në rrjetet e tij sociale, Gentjani ka shprehur se është shumë kundër që vendi ynë të strehojë emigrantët që zbarkojnë në brigjet italiane. Ai specifikoi se zona e Shëngjinit do të bëhët akoma edhe më e papërshtatshme për bizneset dhe për zhvillimin e turizmit nëse do ndërtohen kampet e refugjatëve.
“Ta kthesh portin e Shengjinit në port emigrantësh në një kohë kur ky port dhe vetë qyteti i Shëngjinit ka nevojë të hershme të kthehet në një port të mirëfilltë turistik është pabesi e turpshme. Një qytezë që është përpëlitur që nga viti 1991 me emigrimet masive, me shkatërrimet e 1997-ës dhe me lënien sistematikisht jashtë vemendjes të pushtetit qëndror. 3 orë të duhen të mbërrish nga Tirana në Shëngjin në kulmin e sezonit turistik. 3 orë për 60 km rrugë. A mendohet për ato qindra biznese që jetojnë me turizmin dhe shpresojnë të bëhet më mirë? Sigurisht që nuk do bëhet më mirë. Sepse vetë siguria e portit dhe prioritetet e tij do transofmohen. Mjafton të shikosh pamjet nga porte të tilla në Itali dhe Greqi. Skandaloze”, shkruan Zeneli.
Jo vetëm Gentjani, por edhe personazhe të tjerë publikë kanë reaguar kundër kësaj marrëveshjeje, duke e parë një shqetësim të madh për sigurinë publike të qytetarëve shqiptarë.
