Policia e Krujës ka ndëshkuar me gjobë dhe mbyllje për 6 muaj dy subjekte në këtë qytet, në kuadër të masave parandaluese për përhapjen e koronavirusit në vendin tonë.
Në një njoftim për mediat bëhet me dije se kundër pronarit L.C pronar i një lokali në Krujë është vendosur një masa administrative prej 1 milinonë lekësh dhe mbyllje subjekti për 6 muaj pasi kishte organizuar ceremoni martese në kundërshtim me aktin normativ dhe në mënyrë të përsëritur. Ndërsa për shtetasin A.V gjobë prej 1 milionë lekësh pasi kishte organizuar ceremoni familjare.
Ndërkohë policia e Krujës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
Njoftimi i policisë:
Vijojnë kontrollet nga Policia e Krujës për monitorimin e zbatimit të masave kufizuese, me qëllim parandalimin e përhapjes së COVID-19.
Ndëshkohen me masë administrative me nga 1 milion lekë, 2 pronarë subjektesh dhe me mbyllje aktiviteti për një periudhë 6-mujore, 1 prej tyre, pasi u konstatua duke ushtruar aktivitet në mënyrë të përsëritur me Aktin Normativ.
Shërbimet në Komisariatin e Policisë Krujë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në Krujë, subjektin në pronësi të shtetasit L.C., i cili në mënyrë të përsëritur organizonte ceremoni familjare.
Për këtë subjekt, shërbimet e Policisë Krujë, kanë vendosur masë administrative 1.000.000 lekë dhe mbyllje të aktivitetit për një periudhë 6-mujore.
Për subjektin me pronar shtetasin A.V., shërbimet e Policisë kanë vendosur masë administrative 1.000.000 lekë, pasi ka organizuar ceremoni familjare në kundërshtim me Aktin Normativ.
Drejtoria Vendore e Policisë Durrës apelon për të gjith pronarët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
