Ditën e sotme një qytetar me inisciale L.GJ në Vlorë ka rënë në prangat e policisë pasi është kapur “mat” teksa ushtronte një aktivitet të paligjshëm. Bëhet me dije se 40-vjeçari në Vlorë kishte kthyer ambientet e lokalit në Vlorë në një sallë pokeri. Bashkë me të ka filluar hetimi dhe për qytetarin G.H 40 vjeç i punësuar në këtë vend pasi i është gjetur një telefon për të cilin dyshohet se vinte baste sportive.
Policia ka sekuestruar 1 tavolinë pokeri, çipsa dhe 1 aparat celular. Ndërkohë që priten veprime të mëtejshme nga Prokuroria.
Njoftimi i Policisë:
Vlorë/Goditet 1 tjetër rast i organizimit të lojërave të fatit, në kundërshtim me ligjin, në kuadër të operacionit policor të koduar “Fati i lojërave”.
Kishte përshtatur ambientet e lokalit që administronte, për organizimin e lojës së pokerit, arrestohet në flagrancë 32-vjeçari.
Në hetim dhe një 40-vjeçar, i punësuar në lokal, pasi vinte baste me aparat celular.
Sekuestrohen 1 tavolinë pokeri, çipsa dhe 1 aparat celular.
Shërbimet e Komisariatit të Policisë Vlorë, në vijim të kontrolleve në lokale dhe në ambiente të tjera në të cilat mund të organizohen lojëra fati në kundërshtim me ligjin, kanë evidentuar dhe goditur 1 tjetër rast të kësaj veprimtarie të paligjshme, në kuadër të operacionit policor të koduar “Fati i lojërave”.
Gjatë kontrollit të ushtruar në lokalin në administrimin e shtetasit L. Gj., në lagjen “Bashkim”, shërbimet e Policisë kanë gjetur 1 tavolinë pokeri dhe 1 valixhe me çipsa, të cilat janë sekuestruar në cilësinë e provës materiale. Gjithashtu, gjatë kontrollit fizik ndaj shtetasit G. H., i punësuar në këtë lokal, atij iu gjet dhe iu sekuestrua 1 aparat celular, të cilën dyshohet se e përdorte për vënien e basteve.
Në përfundim të veprimeve për këtë rast, u arrestua në flagrancë shtetasi L. Gj., 32 vjeç, për veprat penale “Organizmi ose ushtrimi i lojërave të fatit në kundërshtim me ligjin”, “Fshehja e të ardhurave” dhe “Vënia në dispozicion e lokaleve për organizimin apo luajtjen e lotarive, lojërave të fatit apo bixhozit”, se dhe nisi procedimi në gjendje të lirë, për shtetasin G. H., 40 vjeç. Materialet i kaluan Prokurorisë, për veprime të mëtejshme.
