Policia e Beratit ka proceduar penalisht dy persona, A. K., 37 vjeç dhe S. H., 40 vjeç pasi gjatë kontrolleve është konstatuar se ata ushtronin aktivitet të kundërligjshëm në fushën e lojërave të fatit. Shërbimet e Komisariatit të Policisë Berat kanë konstatuar se të dy ata, organizonin lojëra fati online nëpërmjet celularit. Ata u proceduan penalisht për veprën penale “Organizimi i lotarive të palejuara”. Materialet iu referuan prokurorisë pranë Gjykatës së Shkallës së Parë Berat për veprime të mëtejshme hetimore.
Njoftimi i policisë:
Berat
Vijojnë kontrollet për parandalimin, evidentimin dhe goditjen e paligjshmërisë.
Si rezultat i kontrolleve janë goditur dy raste të aktivitetit të kundërligjshëm në fushën e lojërave të fatit.
Procedohen penalisht 2 shtetasit që ushtronin këtë veprimtari.
Në vijim të punës për evidentimin dhe ndëshkimin e paligjshmërisë, shërbimet e Komisariatit të Policisë Berat kanë konstatuar dy raste të ushtrimit të aktivitetit të paligjshëm të lojërave të fatit online, nëpërmjet celularit.
Në përfundim të veprimeve hetimore, nga specialistët për Hetimin e Krimeve në Komisariatin e Policisë Berat u proceduan penalisht shtetasit A. K., 37 vjeç dhe S. H., 40 vjeç, banues në Berat, për veprën penale “Organizimi i lotarive të palejuara”.
Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
