Kreu i Partisë Demokratike, Lulzim Basha ka shpërndarë këtë mëngjes në Twitter qëndrimin e ambasadorit të BE në Tiranë, Luigi Soreca, i cili kërkoi miratimin e Reformës Zgjedhore brenda 31 majit, sikundër palët kanë rënë dakord.
Kryedemokrati Basha thotë se opozita është e vendosur të japë kontributin për zgjedhje të lira dhe të ndershme.
“PD dhe Opozita e Bashkuar janë të vendosur për kontributin tonë për zgjedhje të lira dhe të ndershme. Ato janë në interesin më të mirë të Shqipërisë. Kushdo që minon garancitë për standartet zgjedhore nuk do zgjedhje demokratike dhe as integrimin europian te Shqipërisë.”, shpreht Basha.
PD dhe Opozita e Bashkuar janë të vendosur për kontributin tonë për zgjedhje të lira dhe të ndershme. Ato janë në interesin më të mirë të Shqipërisë. Kushdo që minon garancitë për standartet zgjedhore nuk do zgjedhje demokratike dhe as integrimin europian te Shqipërisë. https://t.co/gJxuX7uVLn
— Lulzim Basha (@lulzimbasha_al) May 30, 2020
Nesër, 31 maj, është afati i fundit që vetë palët vendosën për miratimin e Reformës Zgjedhore, teksa deri tani palët kanë arritur të gjejnë konsensus për 5 pika që lidhen me financimin e partive duke rritur financimin nga ana e shtetit dhe ulur ndjeshëm financimin nga privati, kuotën gjinore në zgjedhje ku 1 në 3 emra në lista do të jetë një grua, ndryshimi i periudhës zgjedhore, sistemin e monitorimit të kamerave dhe praninë e policisë në zgjedhje jashtë çdo qendre votimi dhe numërimi.
SHBA dhe BE kërkuan nga palët që të lëshojnë dhe ta mbyllin Reformën brenda 31 majit, pasi askush nuk merr gjithçka, pasi ky është rregulli i negociatave.
