Situata politike në Ukrainë duket se nuk është në ditët e saj më të mira, duke shtuar edhe vështirësitë 2-vjeçare të luftës dhe agresion e Rusisë.
Së fundmi, opozita ukrainase ka dalë kundër presidentit Volodymyr Zelenskyy, duke pretenduar se ai është duke keqpërdorur ligjin e luftës. Sipas krerëve të lartë të opozitës në Ukrainë, Zelenskyy nuk po i lejon ata tëmarrin pjesë në disa ngjarje ndërkombëtare.
Petro Poroshenko, ish-president dhe deputet, pretendon se i është mohuar autorizimi për t’u larguar nga Ukraina. Mësohet se ai është është drejtuar komisionerit evropian për Fqinjësinë dhe Zgjerimin, Oliver Varhelyi, me anë të një letre duke thënë se Zelenskyy po përpiqet të “pastrojë fushën politike nga opozita dhe ta izolojë atë nga kontakti me ndërkombëtarët.
Ndërsa, Solomiia Bobrovska, deputete e Partisë Zëri në Ukrainë, tha për gazetën franceze Le Monde që presidenti po përpiqet ta mbajë Parlamentin larg vendimeve të rëndësishme për Ukrainën.
“Unë i shoh këto ndalime si një përpjekje për të na penguar në mënyrë që të mbajë Parlamentin jashtë vendimeve kyçe. Qeveria nuk mund t’i thotë Parlamentit, i cili është një institucion i pavarur më vete, se çfarë duhet të bëjë; kjo është krejtësisht antikushtetuese”, u shpreh ajo për Le Monde.
