Gjatë seancës plenare, Taulant Balla u shpreh mbi çështjen e uljes së dënimit të disa deputetëve të Partisë Demokratike, duke theksuar se Gjykata Administrative ka vlerësuar të drejtë përjashtimin e deputetëve, por ka ulur masën e dënimit, çka ka mundësuar rikthimin e tyre në Kuvend.
Ai theksoi se përjashtimi është i ligjshëm dhe se ky vendim mund të kontestohet përmes rrugëve ligjore, ndërsa shtoi se pyetja që duhet bërë është nëse Kuvendi do të rifillojë punën në normalitet.
Ndërkohë, gjatë fjalës së tij, opozita shkaktoi një kakofoni në sallë, duke mos e lënë Ballën të flasë pa ndërprerje.
Balla u shpreh se kishte menduar se periudha e mosbindjes kishte mbaruar dhe se do të ktheheshin në normalitetin e punës parlamentare.
