Sapo ka përfunduar mbledhja Këshillit Politik që kishte nisur që prej orës 11:00 dhe në një deklaratë për shtyp përfaqësuesit e opozitës jashtëparlamentare, Oerd Bylykbashi dhe Petrit Vasili thanë se ato nuk tërhiqen nga vendimi i tyure për listat e hapura.
Bylykbashi tha se maxhoranca nuk ka pranuar kërkesat e tyre, për lista të hapura, ruajtjen e koalicioneve dhe shpërndarjen e mansatave por mazhoranca e kishte refuzuar një gjë të tillë.
Më tej Bylykbashi tha se nëse maxhoranca bën ndryshime të njëanshme marrëveshja e 5 qershorit prishet, duke shtuar se formula e koalicioneve është e konsoliduar dhe nuk ka krijuar asnjë problematikë, por është vetëm frika e Ramës që e pengon pasi ka frikë kolicionin e opozitës së bashkuar.
“Në mbledhjen e sotme kërkuam nga maxhoranca që të deklarojnë nëse janë në parim dakord për listat 100% të hapura dhe të ruhet formula e koalicioneve dhe e shpërndarjes së mandateve siç është sot. Por u ndeshëm me një refuzim nga ana e maxhorancës, ne e kemi bërë të qartë që veprimet e njëanshme prishin marrëveshjen e 5 qershorit. Ne kemi kërkuar që të bëjmë një marrëveshje për hapjen e listave dhe të mos preken koalicionet. Ne kërkojmë që të gjitha ndryshimet të bëhen dhe me ekspertizë ndërkombëtare. Ne kemi një model të koalicioneve që është konsoliduar dhe nuk ka asnjë problematikë dhe nuk ka pse të ndryshohet, por është vetëm një kërkesë e Ramës për të mos lejuar qytetarët të votojnë. Edi Rama ka dfrikë nga koalicioni i opozitës së bashkuar, ne jemi gati të vijojmë me dialog”, tha Bylykbashi.
Ndërkohë Vasili tha se mazhoranca qëllimi të vetëm ka heqjen e koalicioneve dhe jo të hapë listat. Vasili tha se opozita është e qartë pro hapjes së listave 100% dhe jo si maxhoranca me 2/3 apo 1/3.
“Desha të sqaroj dhe të jem transparent se në 6 muajt e këtij komisioni në këtë sallë kurrkush as nga PS-ja dhe as nga përfaqësuesit e tjerë nuk është thënë dhe nuk është kërkuar që të flitet për koalicionet parazgjedhore i vetmi argument ka qenë sensibiliteti me listat e hapura. Opozita thotë qartë po hapjes 100% të listave dhe jo me 2/3 dhe 1/3 që janë sërish të mbyllura dhe lojë e Ramës por ne shprehemi për këtë [ikë. Dhe në mbledhjen e sotme dhe të mëparshme ndryshimet e njëanshme janë produkt i PS”, u shpreh Vasili.
