Nga Armir Shkurti
Diktatura e biçikletave! Kur ka gjak e kufoma, të parët shfaqen korbat e çakenjtë!
Dje, për këdo që mësoi shuarjen e një familjeje në aksident rruge, qe ditë zije. Llahtar!! Secili e shprehu si e ndjeu hidhërimin, dhimbjen, revoltën. Dhe secilit që i foli zemra, falur i qoftë edhe padrejtësia! Plot prej nesh i tejkaluan shumë caqet e arsyes, por kjo pranohet pa fjalë në një ditë si kjo.
AMA NUK MUND TA LINTE DJALLI T’I IKTE NJË RAST SI KY PËR TË SHTYRË URAT E TIJ!
Njerëz të mirë! Gjithë të zezat e kësaj bote politika i ka sjellë në emër të së mirës. Kujtoni vetëm “barazinë” dhe “lugën e floririt” të krimkomunizmit.
Në ideologjinë e Internacionales së Marksit, vaftisur nga Djalli me llagapin “Globalizëm” është edhe “shpëtimi i planetit”. Në shënjestër, internacionalistët marksistë kanë edhe MAKINËN.
Makina është LIRI e PAVARËSI.
Që kur njeriu i tha vetes NJERI, kali, bualli, karroca, lundra, qerrja e më pas makina, treni, avioni zhvilluan shoqërinë dhe vetë individin. Me to shkoi gjithnjë e më larg, gjithnjë e më shpejt e gjithnjë e më lehtë, pa mundim.
Për të instaluar INTERNACIONALEN MARKSISTE ( globalizmin ), ata që drejtojnë lojën duan K O N T R O LL. Kontroll të plotë mbi këdo e gjithçka. E si fillim, mbi bukën, lirinë dhe pavarësinë tënde.
Njeriu i lirë nuk bindet me urdhëra, nuk kontrollohet me propagandë. Ndaj EDHE PËRMES KËSAJ PANDEMIE vazhdon ethshëm puna për varfërimin dhe njëkohësisht kufizimin një pas një të të drejtave dhe lirive tona.
SHQIPËRIA ËSHTË LABORATOR I PËRSOSUR, NGRITUR NGA JUGOSLLAVËT, RUSËT E KINEZËT, me kavie të stërvitura, të përunjura e me eksperiencë të madhe.
Prandaj marksintrenacionalistët KËTU eksperimentuan fillimisht antimakinën.
Demek një i ditur nga jashtë u ka thënë udhëheqësve tanë se ” shpëtimi për Tiranën është DEMOTIVIMI i përdorimit të makinave”.
Pra, “për të shpëtuar kryeqytetin” që çimentoset çdo minutë:
U hoqën parkingjet nga të gjitha rrugët kryesore.
Mbyten me gjoba nëpër rrugica gjithë ata që parkojnë aty
Makinat që s’janë të reja ndalohen të lëvizin, përmes rregulloreve të kolaudimit e yçkëlave gjithfarë.
Biçikleta shpallet si shpëtimtarja e Tiranës, e shëndetit dhe planetit.
Sot, nëse del në rrugë me makinën tënde ndjehesh njëlloj sikur nën xhaketë një pistoletë pa leje e po ecën pazarit. Frikë mos të të ndalojnë bashibuzukët për ” kontroll rutinë” e që pa ta gjetur një gjë, ndër mijëra vega që kanë kodet, urdhëresat etj, nuk të lenë. Frikë ku parkon. Frikë mos kaloi afati i kësaj e asaj.
E thashë në krye se “janë të falur ata që kanë qenë të padrejtë në zemërimin a hidhërimin e tyre”
POR JO KËTA!! JO “BIÇIKLETAT”
Djalli nxorri korbat me biçikleta dje, për të vazhduar të ndukin mishin e lirive të mbetura.
Shih pak figurë. BIÇIKLETA SUNDON! BIÇIKLETA ZE RRUGËN E MAKINËS!
Në ndërgjegjen e trazuar nga ankthi dhe dhimbja e një aksidenti makabër, këta kalorës të Djallit dje vaditën farën e keqe.
VDEKJE MAKINËS! RROFTË LALI QË NA BËRI ME BIÇIKLETA E KORSI PËR TO.
Shiko imazhin!!!
Kanë bllokuar rrugën, mu para ministrisë së brendëshme! Është vepër penale dhe plot protestues më parë kanë shkuar NË BURG për bllokim rruge. Si ka mundësi që këta i lanë të bllokojnë zemrën e Tiranës për çerek ore, pa u trazuar?
O NJERËZ TË MIRË!!
O ju që dje shatë e mallkuat kapitalizmin mizor, pasanikët e dreqit, fëmijët e llastuar të baballarëve me lekë etj etj!
ATA DUAN MAKINËN TËNDE, jo të ATYRE. Ata duan VARFËRINË, TUFËZIMIN DHE KONTROLLIN TËND!!!
Ti do lëvizësh me biçikletë a në urbanet e lerosura të Tiranës. Ai që ka sot makinën e shtrenjtë do ta ketë edhe nesër. Ai që ka sot paranë e paguan edhe gjobën edhe parkimin edhe ryshfetin edhe prokurorin e policin.
Mu mblodh dje lëmshi në fyt kur pashë fotot e atyre dy vogëlusheve si drita dhe atij çifti të mrekullueshëm, që s’është më. Por më fort më çan zemra e më rrjedh loti për gjithë një popull që ripërtypet i qetë në derë të thertores, duke menduar se ai xhaxhi me hanxhar në dorë është mjeku që do ti shpëtojë e jo kasapi…
