Një tjetër shtetas shqiptar i përfshirë në trafik ndërkombëtar droge është vënë në pranga në Belgjikë, si pjesë e operacionit të koduar “Ura”.
I arrestuari është Gerti Aliu, 44 vjeç, i shpallur në kërkim ndërkombëtar nga Prokuroria e Barit në Itali.
Kapja e tij u bë e mundur falë bashkëpunimit të ngushtë mes njësive të specializuara FAST Albania, FAST Itali dhe FAST Belgjikë, në kuadër të rrjetit europian ENFAST.
Sipas autoriteteve, ndaj Aliut është caktuar masa e sigurisë “arrest në burg” për veprën penale “Trafikim i lëndëve narkotike”, kryer në kuadër të një organizate kriminale.
Aliu konsiderohet si pjesë e një grupi të strukturuar me bazë në Durrës, i cili u godit më herët gjatë një operacioni të përbashkët mes autoriteteve shqiptare dhe atyre italiane, ku u lëshuan 52 urdhër-arreste.
