Christian Eriksen ka dalë nga spitali pas një operacioni të suksesshëm për të vendosur një implant defibrilator në zemër. Mesfushori i Danimarkës pësoi atak kardiaknë fushë gjatë gjysmës së parë së ndeshjes të cilën më vonë ekipi i tij e humbi 1-0 në Grupin B ndaj finlandës të Shtunën në mbrëmje.
Lojtari 29-vjeçar i Inter po kthehet në shtëpi pasi ka pajisur një defibrillator kardioverter të implantueshëm dhe ka vizituar shokët e tij të Danimarkës.
Një deklaratë nga Federatës së futbollit daneze bënte me dije: “Christian Eriksen ka kaluar një operacion të suksesshëm dhe doli sot nga Rigshospitalet. Sot ai gjithashtu vizitoi ekipin kombëtar në Helsinger dhe nga atje ai do të shkojë në shtëpi dhe do të kalojë kohë me familjen e tij”.
Christian Eriksen has been discharged from the hospital. More here ⬇️#ForDanmark pic.twitter.com/jzF338XiC1
— DBU – En Del Af Noget Større (@DBUfodbold) June 18, 2021
Eriksen shtoi në një deklaratë: “Faleminderit për numrin masiv të përshëndetjeve, ka qenë e pabesueshme për të parë dhe ndjerë. Operacioni shkoi mirë dhe unë jam duke bërë mirë në këto rrethana. Ishte shumë mirë të shihja djemtë përsëri pas lojës fantastike që ata luajtën natën e kaluar. Nuk ka nevojë të them se unë do t’i brohoras të hënën kundër Rusisë. ”
Gjatë humbjes 2-1 të Danimarkës ndaj Belgjikës të enjten, pati një mbështetje të madhe për Eriksen, më së shumti duartrokitjet nga tifozët, stafi, zyrtarët dhe lojtarët në minutën e 10-të të ndeshjes, numri që futbollisti mban në kombëtare.
