Një aksion antidrog është zhvilluar këtë të shtunë në fshatrat përreth Krujës, me qëllim parandalimin e kultivimit të lëndëve narkotike. Mësohet se sasia e bimëve të gjetura në këtë zonë është asgjësuar përmes djegies.
Kujtojmë se në operacionin e zhvilluar janë përfshirë forca të shumta të RENEA dhe FNSH, gjithashtu bëhet me dije se janë përqendruar në fshatin Nikël. Burime bëjnë me dije se janë shoqëruar disa persona deri në këto momente. Në aksion morën pjesë forcat e RENE-s dhe FNSH-s të cilat bënë krehjen e zonës duke kontrolluar serat, magazinat dhe shtëpitë rreth e përqark.
Nga ky operacion u sekuestruan disa kubikë me fidanë kanabisi, si dhe sera me bime.
Në operacionin e zhvilluar kanë marrë pjesë Forcat Renea, FNSh e Tiranës, FNSh Fier dhe Policia e Durrësit, po ushtrohen kontrolle në zonën e pyllëzuar të qytetit të Krujës, por kryesisht janë ndalur në zonën e Niklës, si dhe në sera, magazina, banesa.
Aksioni në fjalë vjen pas monitorimeve me drone nga ana e Policisë së Shtetit dhe nga ajri nga GDF.
Kujtojmë se operacioni në fjalë po drejtohet nga drejtori i Përgjithshëm i Policisë së Shtetit Ardi Veliu, Drejtori i Departamentit të Policisë Kriminale Tonin Vocaj dhe Drejtori i Departamentit të Sigurisë Publike Gjovalin Loka.
