Policia e Shtetit ka zbarkuar pasditen e sotme në Sauk, Tiranë, në kërkim të Eljon Hatos.
Mësohet se policia ka gjetur makinën e Eljon Hatos, ndërsa është vënë pas për ndjekjen dhe arrestimin e tij.
Eljon Hato është shpallur në kërkim si i dyshuar në dosjen ‘Metamorfoza’, ndërsa njihet edhe si ‘ushtar’ i të fortit Ervis Martinaj.
Kujtojmë se ai ka qenë prezent në vrasjen e bujshme në zonën e ish-bllokut në vitin 2018, ku mbeti i vrarë Fabiol Gaxha. Hato mbeti i plagosur në përplasjen me armë brenda lokal “Monopol”, u arrestua nga policia, por më pas disa kohësh u la i lirë.
Ndërkohë ai akuzohet edhe për vrasjen e një të riu në vitin 2014, pasi ngjarja ka nisur për një sherr banal, ndërsa Hato ishte nën efektin e alkoolit. Emri i Hatos doli dhe në përgjimet në kuadër të operacionit ‘Metamorfoza’.
