Në kuadër të bashkëpunimit me homologët dhe përmes shkëmbimit të informacionit mes Policisë së Shtetit dhe autoriteteve të Kolumbisë, nëpërmjet Interpol Tiranës, është realizuar operacioni policor “Kartagjena”. Si rezultat, Policia kolumbiane ka lokalizuar, kapur dhe ndaluar në qytetin e Kartagjenës shtetasin A. Gj., 33 vjeç, nga Tropoja, i cili ishte shpallur në kërkim ndërkombëtar.
Ky shtetas akuzohet nga Gjykata e Posaçme Kundër Korrupsionit dhe Krimit të Organizuar si pjesëtar i një organizate kriminale, për trafikimin e armëve. Roli i tij kryesor ka qenë drejtimi i logjistikës dhe transportit të armëve të zjarrit me rreze të mesme dhe të gjatë, për t’i shitur në tregun e zi.
