Plaurent Dervishaj, ish-anëtar i Bandës së Durrësit është arrestuar nga autoritetet policore në Dubai.
Sipas raportimeve nga media të ndryshme dhe burime nga Policia e Shtetit, autoritetet policore në Dubai, kanë arrestuar ditën e sotme Plaurent Dervishajn, ish-anëtarin e Bandës së Durrësit.
Dervishaj ishte shpallur në kërkim ndërkombëtar, kur vetëm dy ditë më parë SPAK lëshoi një urdhër-arrest ndërkombëtar për të, pas zbardhjes së vrasjes së Vajdin Lamajt dhe Klodian Salihut, zbardhje e cila erdhi pas dëshmive të të penduarit të drejtësisë, Luftar Reçi.
Bëhet fjalë për ngjarjen e ndodhur në datën 26.02.2005, ku rreth orës 22:00, në autostradën Tiranë – Durrës në drejtim të Tiranës, në segmentin rrugor Durrës – Maminas, në afërsi të fshatit Koxhas është qëlluar me armë zjarri shtetasi Klodian Saliu, i cili po lëvizte me autoveturën e tij tip “Mercedes Benz”, ngjyrë gri me targë DR8907C.
Nga këto goditje me armë zjarri ka mbetur i vdekur shtetasi Klodian Saliu, si dhe është plagosur shtetasi O. Truma, i cili ndodhej në automjet nën shoqërinë e viktimës.
Pas rifillimit të hetimeve, Prokuroria e Posaçme grumbulloi prova të cilat krijonin dyshime të arsyeshme në lidhje me autorët e kësaj ngjarje.
Më tej Prokuroria ju drejtua Gjykatës së Posaçme të Shkallës së Parë Për Korrupsionin dhe Krimin e Organizuar me kërkesën për caktim mase sigurimi ndaj të dyshuarve, me tyre Plaurent Dervishaj dhe Lulzim Berisha./Gazetareforma.com/
