Një tjetër rrjet i fuqishëm shpërndarjeje droge në kryeqytet është goditur nga Policia e Tiranës, në bashkëpunim me Prokurorinë dhe Forcën e Posaçme Operacionale.
Operacioni i koduar “Blloku 33” u finalizua pas disa muajsh hetime intensive, duke çuar në shkatërrimin e një strukture kriminale që shpërndante lëndë narkotike në lokalet e natës në zonën elitare të ish-Bllokut.
Sipas Policisë, hetimet zbuluan një rrjet të mirëorganizuar me 42 persona të përfshirë, ku janë ekzekutuar 25 masa sigurie nga 33 në total, të lëshuara nga Gjykata.
Prej tyre, 24 persona janë arrestuar me masën “arrest në burg” dhe një tjetër është vendosur në “arrest shtëpie”.
Lista e të arrestuarve
• Arnold Hida, 31 vjeç
• Durim Gurzi, 46 vjeç
• Artur Gurzi, 41 vjeç
• Elvis Sejdo, 23 vjeç
• Julian Bushati, 43 vjeç
• Adnan Hida, 22 vjeç
• Sabian Jashari, 23 vjeç
• Mario Avdiaj, 35 vjeç
• Geraldo Kovaçi, 24 vjeç
• Albert Shushku, 36 vjeç
• Emrah Mustafaj, 29 vjeç
• Xhoana Rustemi (Hasani), 30 vjeçe
• Vladimir Qerimi, 53 vjeç
• Myzafer Xhanari, 24 vjeç
• Albi Shehu, 41 vjeç
• Ledio Dervishi, 21 vjeç
• Juljan Rabushja, 30 vjeç
• Elisard Rrustaj, 30 vjeç
• Kledi Sinani, 22 vjeç
• Bledar Duka, 35 vjeç
• Kevin Troplini, 21 vjeç
• Samuel Demiri, 19 vjeç
• Ardit Dervishi, 28 vjeç
• Ledin Kazanxhi, 27 vjeç
• Faik Kurti – në arrest shtëpie
Të gjithë banues në Tiranë.
Çfarë u sekuestrua gjatë operacionit?
Gjatë kontrolleve të ushtruara në banesa dhe mbi personat e ndaluar, Policia ka sekuestruar një sasi të konsiderueshme pasurie dhe lëndësh narkotike:
• 1.964 kg kokainë
• 450 gramë heroinë
• 85 kg kanabis (e sekuestruar gjatë hetimeve të mëparshme)
• 2 armë zjarri tip pistoletë
• 29 telefona celularë
• 6 automjete
• 4 peshore elektronike
• Shuma të mëdha parash në lekë dhe euro
Policia ka bërë të ditur se hetimet vazhdojnë dhe se 8 persona të tjerë janë shpallur në kërkim, pasi janë identifikuar si pjesë aktive e këtij grupi kriminal.
Autoritetet thonë se operacioni nuk është mbyllur dhe priten arrestime të tjera në ditët në vijim.
