Joni Mosku është avokati i cili u vu në pranga mbrëmjen e djeshme në qytetin e Korçës, në kuadër të një operacioni të madh antidrogë. Ai u kap në Kapshticë ndërsa tentonte të kalonte drejt Greqisë me familjen më makinë.
Mosku së bashku me disa persona të tjerë, prej muajsh trafikonin lëndë narkotike nga Shqipëria në drejtim të Greqisë. Mësohet se ky grup trafikantësh ishte prej muajsh nën hetim nga policia mirëpo vetëm mbrëmjen e djeshme u bë operacioni për kapjen e tyre.
Sasia e drogës ende nuk dihet pasi vijon të peshohet por bëhet fjalë për më tepër se 100 kg. Ndërkohë hetimet ende vijojnë për kapjen dhe identifikimin e personave të tjerë që kanë lidhje me këtë grup trafikantësh.
Kujtojmë se ky operacion është zhvilluar disa muaj pasi grupi i personave që u vunë në pranga hetoheshin. Operacioni është ende në vijim dhe pritet të ketë arrestime të tjera. Por arrestimi ndodhi mbrëmjen e djeshme në Korçë.
Një sasi e madhe kanabisi u sekuestrua në kuadër të një operacioni anidrogë.
Ky grup trafikantësh ishte prej dy javësh nën hetim nga policia, ndërsa mbrëmjen e djeshme gjatë tentativës së trafikimit drejt Greqisë së një pjesë të drogës prej 66 kg kanabis ka bërë që policia të nis operacionit e koduar “Restart” dhe të vihet në ndjekje të makinës me të cilën udhëtonte avokati Joni Mosku. Avokati u kap në pikën kufitare të Goricës dhe brenda mjetit të tij tip “Opel Meriva”, iu gjet e fshehur 66 kg lëndë e dyshuar narkotike kanabis e fshehur në sediljet e pasme të mjetit në një hapësirë të krijuar apostafat për të fshehur drogën.
