Ditën e sotme u realizua një operacion antidrogë në qytetin e Sarandës.
Mësojmë se pas disa orësh aksioni i Forcave të Ndërhyrjes së Shpejtë dhe Forcave Operacionale në qytetin e Sarandës ka përfunduar dhe gjatë aksionit, FNSH ka arrestuar dhe shoqëruar disa persona, të cilët dyshohen si persona me rrezikshmëri.
Sipas burimeve te “balkanweb” janë arrestuar tetë persona mes tyre dhe nëndrejtori i Spitalit të Sarandës, Florenc Llanaj
Tetë prej personave të ndaluar, janë shoqëruar drejt Krimeve të Rënda, nën masa të rrepta sigurie. Ndërkohë, dy femra po hetohen në gjendje të lirë. Të ndaluarit janë persona të dyshuar për trafik ndërkombëtar të drogës.
Aksioni i FNSH në Sarandë vjen vetëm dy ditë pas super-aksionit në Komunën e Parisit, në Tiranë, ku u arrestua një person me rrezikshmëri të lartë. Në pranga ra shtetasi Barush Bregu, i cili dyshohet se ka lidhje me ngjarjet kriminale në Shkodër.
Pesë prej të ndaluarve janë: Florenc Llanaj; Adrian Xhibro; Edvin Xhibro; Mikel Jorgji; Armando Zholi.
