Një operacion i Policisë së Tiranës, kundër trafikut të drogës, çoi dje në pranga 19 persona, mes tyre edhe shtetasin Rezart Maqellara. Kokaina vinte në Tiranë nga Fieri me një automjet BMË me një vend të përshtatur për fshehjen e pakove të kokainës.
Kjo makinë drejtohej pikërisht nga Rezart Maqellara i cili kishte kontakte me grupe të ndryshme shitësish që e shpërndanin më pas në ambiente me të rinj.
Maqellara ishte i punësuar prej vitesh në KLSH si shofer. Policia në një njoftim zyrtar sqaron se Maqellara nuk është shoferi i kreu të KLSH, siç u raoportua në disa media, por shofer në Shërbimet Mbështetëse në Kontrollin e Lartë të Shtetit.
Sqarim i Drejtorisë Vendore të Policisë Tiranë
Ditën e sotme, Sektori për Hetimin e Narkotikëve në Drejtorinë Vendore të Policisë Tiranë në kuadër të fazës së dytë të megaoperacionit mbarëkombëtar “Tempulli 3”, arrestoi 19 shtetas ndaj të cilëve Gjykata e Shkallës së Parë e Juridiksionit të Përgjithshëm Tiranë kishte caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”.
Ndër të arrestuarve është dhe shtetasi R. M., me detyrë shofer në Shërbimet Mbështetëse në Kontrollin e Lartë të Shtetit.
Nisur nga disa publikime në media e rrjete sociale, sqarojmë median dhe opionin publik se ky shtetas nuk është shoferi i Kryetarit të Kontrollit të Lartë të Shtetit.
Pas një hetimi disamujor, policia e Tiranës vënë në pranga 19 persona dhe ka shpallur në kërkim disa të tjerë, të cilët akuzohen për shpërndarje lëndësh narkotike.
Në pranga kanë rënë Kevi Hida, Durim Kurti, Orterio Vila, Hamza Firi,, Florjan Gjuta, Vasjan Xhaferllari, Armando Xheladini, Osman Idrizi, Ledio Koçi, Mariglen Kushe, Kevin Hoxha, Rezart Maqellara, Matias Selmani, Ramazan Shima, Denis Guci, Rudina Dajlani (Sopoti), Elvira Bushaj, Ardi Shehu, Brisea Kallushi.
Gjatë aksionit është sekuestruar 1.2 kg kokainë, si dhe qindra doza të lëndëve të dyshuara narkotike heroinë dhe kanabis.
