Policia e Shtetit ka kryer një operacion kombëtar antidroge në disa qytete të Shqipërisë, ku kanë marrë pjesë edhe Forcat e Ndërhyrjes së Shpejt.
Sipas News 24, hetimet kanë filluar prej më shumë se 1 viti në qytetin e Kukësit nga ku u zbulua një rrjet shumë i gjërë deri në jug të vendit.
Deri janë bërë shoqërime në Tiranë, Shkodër e Kukës për kultivuesë kanabisi, teksa sipas informacioneve paraprake bëhet me dije se janë arrestuar 40 persona.
Aktualisht mësohet se të arrestuarit po merren në pyetje mbi strategjinë se si vepronte grupi për të ushtruar aktivitetin e tyre.
Operacioni ende nuk ka mbaruar dhe po zhvillohet edhe në qytete të tjera teksa po bashkëpunohet me prokuroritë e rretheve.
Edhe më herët Policia ka njoftuar për aksione anti-kanabis, ku nuk kanë munduar as arrestimet, teksa vetëm pak ditë më parë u sekuestruan mijëra fara kanabisi, të cilat ishin nisur nga Spanja dhe do mbilleshin në Shqipëri.
Ndërkohë sot në mëngjes, Forcat e Rendit ishin dhe në Krujë ku kanë arrestuar një qytetar pasi kishte mbjellë në banesa kanabis në kubikë.
