Një operacion i gjerë antidrogë, i koordinuar mes autoriteteve shqiptare dhe italiane, ka çuar në arrestimin e 11 personave.
10 prej tyre u kapën në Itali, ndërsa një shqiptar u arrestua në Shqipëri për t’u ekstraduar.
Operacioni, i koduar “SACRIPANTE.AL”, u zhvillua nga Policia e Shtetit në bashkëpunim me partnerët italianë, në kuadër të një hetimi të nisur nga Prokuroria e Venecias.
Në Lezhë u arrestua 24-vjeçari K. L., ndaj të cilit Gjykata e Venecias kishte lëshuar urdhër arresti për përfshirje në trafik narkotikësh dhe veprimtari kriminale.
Operacioni u realizua nga Sektori për Hetimin e Grupeve Kriminale në Drejtorinë për Hetimin e Krimit të Organizuar, në bashkëpunim me Interforcën Italiane, Zyrën e Ekspertit të Sigurisë Italiane dhe Karabinierinë e Venecias.
