Personeli i përgjithshëm i UNMIK-ut përbëhet nga 348 vetë, prej të cilëve 312 civilë dhe 9 ekspertë civilë, si dhe 18 nën uniformë, prej nga 10 policë dhe 8 vëzhgues ushtarakë. Pjesa më e madhe e buxhetit harxhohet për të financuar kostot e personelit. Gjithsej, 32 milionë e 535 mijë dollarë. Për personelin nën uniformë, jepen 768 mijë e 500 dollarë. Për UNMIK-un, punojnë po ashtu 21 vullnetarë. Pjesa tjetër e buxhetit jepet për shërbimet dhe pajisjet.
Rreth 2.8 milionë dollarë, për infrastrukturën dhe objektet. 2.73 milionë dollarë për komunikacionin, 1.9 milionë dollarë. Po ashtu shpenzime ka për konsultime, udhëtime, shërbimet mjekësore. Buxheti i UNMIK-ut në vitet e para ka qenë më shumë se 400 milionë dollarë në vit.
OKB financon 12 misione paqeruajtëse në botë, pjesa më e madhe e të cilave në kontinentin afrikan, me një buxhet të përgjithshëm prej rreth 6 miliardë dollarësh. Misionet e OKB në Mali, në Republikën e Afrikës Qendrore dhe Kongo i kanë buxhetet më të larta se 1 miliardë dollarë. Misioni tjetër paqeruajtës i OKB-së në Europë përveç Kosovës ndodhet në Qipro, me një buxhet prej rreth 55 milionë dollarësh, shkruan DW.
UNMIK-u, po ashtu si misionet e tjera paqeruajtëse, financohet nga një llogari financiare e veçantë, ku shtetet kontribuojnë sipas një formule të caktuar dhe që aprovohet çdo vit nga Asambleja e Përgjithshme.
