Operacioni Forca e Ligjit (OFL), ka shënjestruar ditën e sotme qytetin e Elbasanit, ku u ka dërguar formularin e deklarimit të pasurisë 5 personave të dënuar për vepra të ndryshme penale.
Mësohet se OFL u ka dërguar formularin e vetëdeklarimit të pasurisë 5 të dënuarëve, banues në Elbasan, të dënuar për trafikim narkotikësh, prostitucion e organizatë kriminale.
Shtetasve të cilëve u është dërguar formulari i deklarimit janë:
-Artan Gega, banues në Elbasan, i dënuar për veprën penale “Trafikimi i narkotikëve“;
-Abaz Gega, banues në Elbasan, i dënuar për veprën penale “Organizata kriminale”;
-Arzen Mama, banues në Elbasan, i dënuar për veprën penale “Prodhimi dhe shitja e narkotikëve”;
-Gentian Gjoka, banues në Elbasan, i dënuar për veprën penale “Prodhimi dhe shitja e narkotikëve”;
-Ardian Subashi, banues në Elbasan, i dënuar për veprat penale “Trafikimi i narkotikëve” dhe “Shfrytëzimi i prostitucionit”.
NJOFTIMI NGA POLICIA
OFL, 21 shtator
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
-Artan Gega, banues në Elbasan, i dënuar për veprën penale “Trafikimi i narkotikëve“;
-Abaz Gega, banues në Elbasan, i dënuar për veprën penale “Organizata kriminale”;
-Arzen Mama, banues në Elbasan, i dënuar për veprën penale “Prodhimi dhe shitja e narkotikëve”;
-Gentian Gjoka, banues në Elbasan, i dënuar për veprën penale “Prodhimi dhe shitja e narkotikëve”;
-Ardian Subashi, banues në Elbasan, i dënuar për veprat penale “Trafikimi i narkotikëve” dhe “Shfrytëzimi i prostitucionit”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
