OFL “dështon” me Lul Berishën. Gjykata i kthen makinën e blinduar ish-të dënuarit Lulzim Berisha, të cilën OFL ia kishte bllokuar për verifikim të pasurisë.
Sipas vendimit, makina rezulton të jetë me dokumente të rregullta. Ish-kreut të “bandës së Durrësit” ishte ankuar për vendimin në Gjykatën e Apelit.
Prokuroria e Posaçme kundër Korrupsionit, më 21 shkurt, i dërgoi Gjykatës së Posaçme të Shkallës së Parë për Korrupsionin dhe Krimin e Organizuar 5 rastet e para të pronave të sekuestruara në bazë të akteve normative në kuadër të operacionit “Forca e Ligjit”, ku mes tyre ishte edhe automjeti BMË i Lulzim Berishës.
Ndërsa ishte në gjykim si drejtues i “bandës së Durrësit” në Gjykatën për Krimet e Rënda në një proces paralel, e njëjta gjykatë vlerësonte kërkesat e prokurorisë për konfiskimin e pasurive të sekuestruara të tij, që dyshoheshin si të krijuara nga aktiviteti kriminal.
Avokati i Berishës, Detar Hysi, në atë kohë paralajmëroi se vendimi do të ankimohet. “Do të ankimojmë vendimin, pasi të ardhurat për blerjen e mjetit janë të ligjshme dhe të deklaruara”, tha Detar Hysi.
/GazetaReforma.com/
