Ish-punonjësi i Agjencisë amerikane të Sigurisë Kombëtare (NSA), Edward Snowden, mësohet se ka marrë leje qëndrimi të përhershme në shtetin rus.
Snowden ishte në ndjekje penale nga autoritetet në SHBA, për shkak se publikoi informacione sekrete të Agjensisë së Sigurisë Kombëtare.
Kujtojmë se Snowden ka jetuar në Rusi që prej vitit 2013, për t’i shpëtuar ndjekjes penale nga SHBA.
Lajmin për dhënien e lejes së përhershme të Snoëden nga Kremlini, e bëri të ditur avokati i tij.
“Sot, Snowdenit i është dhënë leja e qëndrimit me një afat kohor të pacaktuar”, tha avokati rus Kucherena i Snowden, për agjencinë mediatike shtetërore rus Tass.
Kucherena tha se aplikimi është dorëzuar në prill, por përgjigja është vonuar për shkak të kufizimeve prej pandemisë COVID-19, ndërsa shtoi se për momentin Snoëden nuk ka në plan të aplikojë për nënshtetësi ruse.
Kujtojmë se vitin e shkuar Snowden tha se është i gatshëm të kthehet në SHBA nëse i garantohet një proces i rregullt gjyqësor./GazetaReforma.com/
